Literaktum | Hitzen hiria | 2010 24-29 maiatza
Dokumentazioa / itzuli / sarrerara itzuli /
Juan Madrid /
M�laga, 1947 /
Historia Garaikidean lizentziatua, Salamancako Unibertsitatean. Irakaslea izan zen, eta kazetaritzan jardun zuen zenbait komunikabide nazional eta nazioartekotan, 1973 eta 1995 artean. Harrezkero, idaztea du bere eginkizun bakarra. Eleberrigilea, zine eta telebistarako gidoilaria, dokumentalgilea eta film bat zuzendutakoa (Tánger) da, eta narratiba- eta gidoigintza-ikastaroak ematen ditu Kuban, San Antonio de los Bañosko Zine eta Telebistako Nazioarteko Eskolan, bai eta bi kontinentetako beste erakunde eta eskola batzuetan ere.
Lehen eleberria, Un beso de amigo, 1980an argitaratu zuen. Berrogei liburu eman ditu argitara (eleberriak, ipuin-bildumak eta gazteentzako eleberriak), eta eleberri beltz edo urbano europar berriko autore behinenetakotzat dauka kritikak. Juan Madrid-en lanak hamasei hizkuntzatara itzulita daude.
